Thursday, December 2, 2010

ပုဇွန်ချဉ် လုပ်ကြည့်ရအောင်

တနေ့တနေ့ဘာချက်ရမလဲမသိတော့ဘူး။ဝက်သားလည်းမစားတော့
ငါး၊ပုဇွန်၊ကြက်သားဒါဘဲထပ်နေရော၊ဟင်းချက်ကောင်းတဲ့ဘလော့တွေ
လိုက်လည်ပြီး၊ဘာတွေများထူးထူးဆန်းဆန်းချက်ထားကြလည်းလိုက်ကြည့်
ရတာအမောကွယ်။ဒီမှာကဟင်းသီးဟင်းရွက်ကလည်းရှားသေးရဲ့။မြန်မာစာ
စားဖို့ကိုယ့်ဟာကိုယ်မလုတ်တတ်ရင်တော့ဘာမှမစားရဘူး။
အခုလည်း ပုဇွန်ချဉ်စားချင်တာနဲ့မိတ်ဆွေတယောက်ကလည်းဘယ်လိုလုပ်
ရလည်းမေးတာနဲ့ပုဇွန်ချဉ်မလုတ်တတ်တဲ့ မိတ်ဆွေတွေအတွက်ကျမရဲ့
ပုဇွန်ချဉ်လုပ်နည်းလေးကို မျှဝေပေးတာပါ။ယိုးဒယားကလာတဲ့နမ်အမှုန့်

ထုတ်လေးရှိရင်ရပြီ။

 


         NAM POWDER (နမ်အမှုန့်)

အရမ်းကိုလွယ်ပါတယ်။ပထမဦးဆုံးပုဇွန်အရွယ်တော်လေးတွေကိုအခွံခွါသန့်
ရှင်းပြီးရေစစ်ထားလိုက်ပါ။
ပြီးရင်ဇလုံတလုံးထဲမှာပုဇွန်၁ပေါင်၊ထမင်းလက်နှစ်ဆုပ်လောက်၊နမ်အမှုန့်
တထုပ်ရယ်အားလုံးရောနယ်ပြီးပလပ်စတစ်အိပ်ထဲမှာကျစ်နေအောင်စီးပြီး၊
ရေခဲသေတ္တာထဲမှာ၂၄နာရီထားလိုက်ပါနော်။နောက်တနေ့ရေခဲသေတ္တာဖွင့်
ကြည့်လိုက်ရင်တော့ပန်းနုရောင်ပုဇွန်ချဉ်မွှေးမွှေးလေးရပြီပေါ့။
ပုဇွန်ကိုအကောင်လိုက်မစားချင်ဘဲ ကြေကြေစီးစီးလေးစားချင်ရင်တော့
ပုဇွန်နဲ့ထမင်းတွေကိုစက်နဲ့အရင်ကြိတ်ပြီးမှနမ်အမှုန့်နဲ့နယ်လိုက်ရင
်မြန်မာ
ပြည်မှာရောင်းတဲ့ ဖက်နဲ့ထုပ်ထားတဲ့ပုဇွန်ချဉ်အတိုင်းဖြစ်ပါတယ်။
ဒီနေ့တော့ပဲနီလေးဟင်းချို၊ကြက်သားကြော်၊ကြက်သားကိုဆား၊ဆနွင်း၊
ဂျင်းကြက်သွန်ဖြူအရည်ညှစ်၊သံပုရာတစိတ်လောက်ညှစ်ထည့်ခဏနှပ်ထား
ပြီးဗမာကြော်ကြော်ပါတယ်။ပုဇွန်ချဉ်ကို ကြက်သွန်နီပါးပါးလှီး၊ငြုပ်သီးစိမ်း၊
ပင်စိမ်းနဲနဲဆီစိမ်းဆမ်းပြီသုပ်ပါတယ်။မုန်ညင်းဖြူကြော်၊ငြုပ်သီးဆားထောင်း
လေးနဲ့ထမင်းစားလို့ကောင်းပါတယ်။
ဝက်သားစားရင်နမ်အမှုန့်ထုပ်နဲ့ဝက်သားချဉ်လုပ်လို့ရပါတယ်။ကျမကဝက်
သားမစားလို့ ပုဇွန်လုပ်တာပါ။အဲဒီအမှုန့်နဲ့ငါးချဉ်လည်းလုပ်လို့ရပါတယ်။

16 comments:

  1. ဒီနည်းလည်း ကောင်းတာပါပဲ
    ကျမတော့ တခါတခါ ဗီယက်နမ်
    နည်းအတိုင်းလုပ်ပါတယ်
    အထုတ်ကတော့ အတူတူပါပဲ

    ReplyDelete
    Replies
    1. မမလေး..ကျေးဇူးပြုပြီး.ကျွန်တော်တို့သိအောင်ပြောပြပေးပါလား နောက်ပြီး NAM POWDERဆိုတာကရောအချဉ်မှုန့်လား.အရသာကဘာအရသာလဲ ...

      Delete
  2. ပုဇွန်ချဉ်အရမ်းကြိုက်တယ်.. ဒီတခါ ယိုးဒယားဈေးသွားမှ အဲဒီအမှုန့်လေးဝယ်ပြီး စမ်းကြည့်ဦးမယ်.. ကျေးဇူးနော်.. :)

    ReplyDelete
  3. မမငွေစန္ဒာ... ပုဇွန်ချဉ် လုပ်နည်းလေး အတွက် ကျေးဇူးတင်ပါတယ်။ အဲ့ဒီ အမှုန့်ထုတ်ကို ထိုင်းဆိုင်မှာ ၀ယ်လို့ရမယ် ထင်တယ်နော်။ ရို့စ် ဘလော့ဂ်ကို အလည်ရောက်လာတာ ကျေးဇူးပါ။ ပြန်လာလည်ပြီး စာတွေ ဖတ်သွားတယ်။ ပို့စ်အသစ်တွေလည်း မျှော်နေတယ်နော်။

    ReplyDelete
  4. ဘေဘီရေ ဗီယက်နမ်နည်းလေးသိချင်ပါတယ်နော်။
    မြူမြူးရေ စမ်းကြည့်ပါဦး။
    ရို့စ်ရေ ဒီမှာတော့တရုပ်ဆိုင်၊ယိုးဒယားဆိုင်တွေမှာရပါတယ်။

    ReplyDelete
  5. ပုစွန်ချဉ်လုပ်နည်းလေး လာဖတ်ရင်း လင့်လေး ယူသွားတယ်နော်.. :)

    ReplyDelete
  6. ပုဇွန်ချဉ်လေး လုပ်ကြည့်ဦးမယ် မမငွေစန္ဒာရေ။ နည်းလေးပြောလို့ ကျေးဇူးနော်။

    ReplyDelete
  7. မမငွေစန္ဒာရေ - နမ်အမှုန့်ထုပ်က ယိုးဒယားဈေးမှာပဲရတာလား။ SHENGSIONG မှာတော့ ရှာမတွေ့ဘူး။ တခြားဘယ်မှာ ရနိုင်သေးလဲ သိရင်ပြောပြပေးပါလား။

    ReplyDelete
  8. ပုဇွန်ချဉ်ရော ငါးချဉ်ရော သိပ်ကြိုက်တယ်...
    ကြော်စားစား သုပ်စားစား အများကြီးစားဖြစ်တယ်..
    ၀ယ်စားတာထက် ခုလို ကိုယ်တိုင်လုပ်တော့ ပိုကောင်းတာပေါ့နော်..

    ReplyDelete
  9. မရေ ...
    ပထမဆုံးရောက်လာဖြစ်တာပါ
    ပုဇွန်ချဉ်ဆိုရင် အရမ်းကြိုက်လွန်းလို့ ဘယ်လိုလုပ်ရမယ်မှန်းလဲ မသိတော့ မြန်မာဆိုင်တွေကနေ တစ်ခါတစ်လေ မလတ်တာတွေပဲ ၀ယ်စားနေရတယ်
    ကိုယ့်ကိုယ်ကို လုပ်ကြည့်သေးတယ် မလုပ်တတ်တော့ ပုပ်ကုန်လို့ ပစ်လိုက်ရတယ်လေး) အခုလို နည်းကောင်းလေးပြောပြပေးတာ ကျေးဇူးတင်တယ် မရေ ... နောက်လဲ အမြဲလာလည်မယ်နော်
    ခင်မင်စွာဖြင့်
    နှင်းဟေမာ
    www.hnanhaymar.com

    ReplyDelete
  10. ပုစွန်ချဉ်လုပ်နည်းလေး လာယူသွားပါတယ်နော်။

    ReplyDelete
  11. ကျမလည်းပုဇွန်ချဉ်အရမ်းကြိုက်တာဆိုတော့၊ခဏခဏလုပ်စားဖြစ်တယ်။
    လွယ်ကူမြန်ဆန်ပြီးလတ်လတ်ဆတ်ဆတ်စားရတာပေါ့နော်။

    ReplyDelete
  12. ဒီနည်းလေးမျှယူသွားပါတယ်။အရမ်းကိုကျေးဇူးတင်ပါတယ်ရှင်။

    ReplyDelete
  13. Hello!
    I tried making it today. but as I am alone and can't eat all for half kg, i made only 150g shrimp using one third of the powder with home salt. I haven't tried eating yet but it is winter and the room temperature is lower than fridge. so i put my box in the room with heater. now starts changing the color to pink.. i m so excited waiting it. thank you so much for sharing it!!!

    ReplyDelete
  14. လုပ်နည်းလေးတွေအတွက်ကျေးဇူးပါရှင်

    ReplyDelete